HATIMAYE TANESCO SHINYANGA YAFANIKIWA KUREJESHA HUDUMA YA UMEME

 

Shirika la umeme TANESCO katika mkoa wa Shinyanga, limefanikiwa kurejesha huduma ya umeme mjini Shinyanga, ambayo ilikosekana tangu jana tarehe 22 Septemeba 2026, majira ya saa tano usiku.

Meneja wa TANESCO mkoa wa Shinyanga Mhandisi Hadija Mborouk, ameiambia SHINYANGA ONE MEDIA  kuwa, mafundi wamefanya kila linalowezekana kuhakikisha huduma za umeme zinarejea, ambapo kupitia  jitihada walizozifanya  umeme umerudi majira ya saa kumi na mbili jioni.

Mhandisi Mbarouk amewashukuru wananchi kwa ushirikiano na uvumilivu walioonyesha katika kipindi chote cha matengenezo.

Amewaomba kutoa taarifa TANESCO endapo kutakuwa na eneo lolote ambalo halijapata huduma ya umeme na kwamba, mafundi wako tayari muda wowote kutoa huduma.

Hali ya kukosekana kwa umeme kwa zaidi ya saa 12 katika maeneo mbalimbali ya mji wa Shinyanga, imeelezwa kusababishwa na hitilafu iliyotokea kwenye kituo cha kupozea umeme cha Matanda kilichopo katika Manispaa ya Shinyanga.