Mhita ametoa
maagizo hayo leo, Septemba 25, 2026, wakati akiwaongoza viongozi wa mkoa na
wilaya pamoja na wananchi katika uzinduzi wa Kampeni maalum ya usafi wa
Mazingira, uliofanyika katika Soko la Ujasiriamali la Ibinzamata, mjini
Shinyanga.
Mhita amebainisha
kuwa, siku ya Jumamosi imeainishwa kuwa siku maalumu ya usafi kuanzia ngazi ya
kaya, ambapo viongozi wa Serikali za mitaa wanapaswa kusimamia utekelezaji wa
zoezi hilo kwenye maeneo yao.
Aidha,
amewaagiza Wakurugenzi wa Halmashauri zote mkoani Shinyanga kuwasilisha
tathmini za kila mwezi kuhusu hali ya usafi katika kata na maeneo mbalimbali,
hatua ambayo itasaidia kubaini maeneo yenye changamoto na kuchukua hatua za
kisheria, ikiwemo kuwatoza faini wale wasiozingatia kanuni za usafi.
Katika hatua
nyingine, Mhita amewataka wananchi wanaoishi mabondeni na maeneo hatarishi
kuchukua tahadhari mapema kutokana na matarajio ya mvua za El Niño, akisisitiza
umuhimu wa kuzingatia maelekezo yanayotolewa na mamlaka za Serikali.
Amesema
wananchi wanapaswa kuhama maeneo hatarishi endapo wataelekezwa kufanya hivyo,
ili kulinda maisha ya watu na kuepusha madhara kwa miundombinu.
Mkuu huyo wa
mkoa wa Shinyanga amebainisha kuwa, Serikali imeendelea kujiandaa kukabiliana
na athari zinazoweza kusababishwa na mvua hizo, ikiwemo kutokea kwa magonjwa ya
mlipuko.
Kwa upande wake, Mkuu wa Wilaya ya Shinyanga Wakili Julius Mtatiro, ameahidiki suala la usafi kusimamiwa kikamilifu katika wilaya yake ambapo amewataka wananchi, viongozi na wadau wengine kushiriki kikamilifu katika kampeni hiyo ya usafi wa mazingira iliyozinduliwa leo na Mkuu wa mkoa ili kufikia malengo yanayotarjiwa.
0 Comments