Mhita ametoa
agizo hilo wakati akifungua kikao cha mkoa cha kamati za maafa ,
kilichowakutanisha wakuu wa idara na tasisi za Serikali kutoka mkoa na wilaya,
kwa ajili ya kufanya maandalizi ya kukabiliana na athari zinazoweza kutokea
wakati wa mvua za vuli, ambazo zinahofiwa kuwa juu ya wastani, ikiwemo
kusababisha mafuriko.
Amewaagiza
wakuu wa Wilaya kuhakikisha wanaongoza kamati hizo za maafa kwenye wilaya na kusimamia
mipango na mikakati yote iliyowekwa, ili kuzuia madhara yanayoweza kutokea na
kwamba, timu ya maafa ya mkoa itakuwa na mawasiliano ya moja kwa moja na timu
za wilaya.
Mhita, amezitaka
mamlaka zinazohusika na miundombinu ya barabara ikiwemo TANROADS na TARURA, kuhakikisha
miundombinu ya barabara inaboreshwa, huku shirika la umeme Tanesco na Mamlaka
zinazosimamia huduma za maji katika mkoa za RUWASA, KUWASA, KASHWASA na
SHUWASA, kujipanga katika kukabiliana na mazingira yoyote yatakayoathiri utoaji
wa huduma.
Mkuu huyo wa
mkoa pia ameiagiza idara ya afya kufanya tathmini na kuandaa dawa na vifaa tiba kwa ajili ya huduma za dharura, ikiwemo
kutenga maeneo maalum kwa ajili ya kutolea huduma kwa wathirika.
Pia, amelitaka
shirika la Msalaba mwekundu kujipanga katika kuratibu timu za ukoaji na
waathirika, ikiwemo utoaji wa huduma za kisaikolojia kwa wale watakaokumbwa na
changamoto.
Halikadhalika,
amezitaka Tume za madini katika mikoa ya kimadini ya Shinyanga na Kahama,
kuhakikisha hali ya usalama wa miundombinu inaimarishwa kwenye maeneo yote ya uchimbaji,
ili kuepuka maafa yanayoweza kutokea wakati mvua hizo zitakapoanza kunyesha.
Akizungumzia
sekta ya kilimo amesema, wataalam wa Sekta hiyo wanapaswa kuwaelimisha wananchi
kuhusu kulima mazao yanayoweza kustahilmili hali hiyo ya mvua, ili kuepuka
changamoto ya upungufu wa chakula katika siku za usoni.
Mbali na hatua hizo, Mhita pia emeelekeza elimu ya kutosha itolewe kwa wananchi ili wafahamu namna ya kukabiliana na hali hiyo, ikiwemo sehemu ya kutoa taarifa kwa ajili ya kupata msaada pale wanapopatwa na changamoto yoyote.
0 Comments